Advertisements

KOMUNIKADO DI KUERPO POLISIAL KÒRSOU Hòmber detené pa maltrato ku arma.

KOMUNIKADO DI KUERPO POLISIAL KÒRSOU

040 / 2020

25 yanüari 2020

Hòmber detené pa maltrato ku arma.

Djabièrnè 24 di yanüari 2020 un hòmber a wòrdu detené en konekshon ku maltrato di un dama ku un arma.
Alrededor di 21.45’or, Sentral di Polis a dirigí un unidat di Barber pa un adrès den Kaya Monzonit, pa un kaso di maltrato.
Na yegada di e unidat, el a topa un hòmber ta sali for di e kas miéntras su tras tabatin un dama ku herida na su man.
E hòmber aki a drenta un vehíkulo i kore bai laga e unidat, no opstante ku a dun’e òrdu pa para.
Mesora a kuminsá un persekushon tras di e sospechoso i den kaminda Monica Kapel- Matheeuw algu promé ku Fontein, polis a logra para e vehíkulo.
Na e sitio ei a detené e hòmber sospechoso I.F. di 34 aña di edat nase na Kòrsou pa maltrato ku arma i no sigui òrdu duná dor di polis.
E dama a risibí tratamentu médiko pa e herida ku el a sufri den su man.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: