Un detenshon pa menasa i maltrato relashonal.

KOMUNIKADO DI PRENSA
054 / 2020
5 febrüari 2020
Un detenshon pa menasa i maltrato relashonal.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 4 di febrüari, alrededor di 14.00 or, Sentral di Polis a dirigí un patruya na un kas
den área di Buena Vista pa un kaso di maltrato relashonal.
For di un investigashon preliminar ku polis a realisá, e dama víktima a deklará na polis ku
durante un diskushon ku su pareha esaki lo a maltrat’é na vários okashon i manas’é ku
morto.
En konekshon ku e maltrato i menasa aki, na e sitio polis a detené e hòmber sospechoso
Sh.T.I. nasé na Hulanda di 30 aña di edat.
A presentá e sospechoso dilanti di un Fiskal Ouksiliar ku a ordená su enkarselamentu
pendiente mas investigashon.