BALUARTENAN DI DEPORTE.

BALUARTENAN DI DEPORTE.

Hopi hende no ta rekordá nos deportistanan ku den pasado tabata defendé bandera di Kòrsou i Antia den deporte. Nos no mag lubidá nos héroenan di ántes. 

Ku e meta aki a lanta Komishon Baluarte di Deporte.

E Komishon aki ke dokumentá nos eks-deportistanan ku a sobresalí i ta traha den estrecho kolaborashon ku FDOK. P’esei FDOK a manda un karta pa tur Federashon pa entregá nòmber di  personanan ku nan ta haña a nifiká hopi pa nan ramo di deporte. Komishon Baluarte di Deporte ta hasi un súplika na tur hende ku konosé un Superstar pa buska kontakto kuné i pasa e nòmber pa sr. Geoffrey Goede (gagoede@antil.net   i 5105610) di e Komishon. No ta asina ku sin mas mester manda nòmber di un gran deportista. E baluarte ku e Komishon ta deseá mester ta un persona ku tabata un figura grandi den nos deporte ku a representá nos pais den Kampionatonan Internashonal i ku bon komportashon. E mester ta na bida i mentalmente salú. 

Banda di e deportista tambe por manda Dirigente atministrativo, Dirigente tékniko i Ofishal. E último dia pa entregá nòmber ta 31 di mart. Den e Komishon Baluarte di Deporte tin ademas di sr. Goede, tambe srs Rudsel van Lamoen (5124428), Rudy Cicilia (7953113) i Rein Persaud (5117051) (FDOK). Pa kualke informashon adishonal por tuma kontakto ku un di e miembronan di e Komishon.

Mirando ku ta buska personanan di nivel hopi haltu no ta nada straño ku e Komishon ku ta presentá baluartenan pa drenta Salon di Fama na FDOK, por hasi uzo di e datonan di e personanan aki. En bista ku no mester manda c.v. di personanan ku ya ta den Salon di Fama i dor ku tin hende ku no konosé nan tur nos ta publiká awe un lista di e miembronan den Salon di Fama di FDOK.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: