Advertisements

SOAW ta lansa proyekto pa personanan ku limitashon

SOAW ta lansa proyekto pa personanan ku limitashon

Geplaatst op 10 February 2020 dor di Ministerio Desaroyo Sosial, Labor i Bienestar

Willemstad – Riba djaluna 10 febrüari 2020 Ministerio di Desaroyo Sosial, Labor i Bienestar (SOAW) a duna inisio na un proyekto yamá “Sentro di Informashon/kontakto” pa brinda personanan desempleá ku un limitashon e oportunidat pa drenta den e proseso laboral kaminda nan por demostrá nan kapasidat i generá eksperensia di trabou. Fundashon Alton Paas, presidí pa sr. Alton Paas i Handicap Rights Foundation, presidí pa sra. Soraida Martina tambe tabata presente na e akto memorabel aki.

Minister Hensley F. Koeiman i un di e koleganan nobo di SOAW ku lo laborá pa 6 luna.

E propósito básiko ta pa e trahadó ku limitashon funshoná na SOAW pa 6 luna, brindando pueblo informashon básiko, haña informashon di klientenan i tambe komuniká e persona ku yama ku e ámtenar ku e mester.

E grupo di koleganan nobo di SOAW a risibí entrenamentu di funshonarionan di SOAW i lo sigui risibí formashon, treinen i sosten pa sigui krese den e trabou ku nan ta desplegá.

Un portrèt saká den grupo huntu ku personanan ku lo kontestá yamadanan di kliente.

E 6 personanan lo laborá durante 6 luna na e sentro aki di SOAW i despues lo evaluá e proyekto. Ideal lo ta si nos por ekstendé e relashon di trabou ku algun i tambe si otro ministerionan òf empresanan privá lo por duna nan òf otro personanan ku un limitashon oportunidat di trabou. SOAW en todo kaso ke kuminsá ku duna un ehèmpel i ta spera ku pronto mas lo sigui.

Minister Hensley Koeiman ta super kontentu ku e proyekto aki i ku e echo ku e personanan aki a vosiverá nan alegria ku e oportunidat aki i ku nan lo duna lo máksimo pa demostrá ku nan por tin un desabilidat, pero nan tin masha hopi otro abilidat. Dor di e proyekto aki nan por Sali for di isolashon i risibí un oportunidat pa demostrá ku nan tambe ta konta i ku nan por aportá pa desaroyo di Kòrsou.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: