Advertisements

UN SOÑO A BIRA REALIDAT DEN AMBIENTE DI KARNAVAL PA MUCHANAN DI SKOL DI FUNDESHI ELIS JULIANA- SHEILA KAREL

UN SOÑO A BIRA REALIDAT DEN AMBIENTE DI KARNAVAL PA MUCHANAN DI SKOL DI FUNDESHI ELIS JULIANA- SHEILA KAREL

 

Willemstad – Skol di Fundeshi Elis Juliana- Sheila Karel a mira un soño bira  realidat danki na un kontribushon di CIBC FirstCaribbean. E skol awor ta dispone di medionan digital modèrnu riba kwa e muchanan di e skol por haña nan lèsnan na un forma aldia.  CIBC FirstCaribbean na mes momentu a uní tambe na e esfuerso di e skol pa duna e muchanan un karnaval 2020 di kita sombre. E aña aki e 180 hobennan di e skol di fundeshi lo gosa un bòl riba e tononan di e tumba hubenil ganadó “Sinchi mi kusinchi” di Chrysander Leonora.

 

Lysaira Ortela, Marketing Manager di CIBC FirstCaribbean a bisa “Formashon ku medionan modèrnu i al dia ta importante den stimulá nos muchanan pa siña na skol. Pa nos di CIBC FirstCaribbean esaki ta un oportunidat úniko  pa kombiná e goso di karnaval ku algu duradero ku algu ku ta duna un balor agregá na nan formashon. Riba su mes kaba e karanan kontentu bailando riba ritmo di nos tumba ta yena nos kursason ku satisfakshon”

 

“Esaki ta pinta di bira un di e mihó selebrashonan di karnaval ku nos skol a yega di selebrá.  Nos ta masha kontentu di a tende ku CIBC FirstCaribbean a skohe nos pa kompleta nos fiesta na skol.  Nos ta gradisi CIBC FirstCaribbean pa duna nos muchanan un tremendo momentu” Kabes di Skol Elis Juliana- Sheila Karel, Juf. Suyanne Janga a bisa.

 

Sra. Janga, kabes di skol di Skol Elis Juliana- Sheila Karel i Lysaira Ortela, Marketing Manager di CIBC FirstCaribbean
Sra. Janga, kabes di skol di Skol Elis Juliana- Sheila Karel i Lysaira Ortela, Marketing Manager di CIBC FirstCaribbean

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: