Detenshon pa menasa, maltrato i violashon di lei di arma.

KOMUNIKADO DI PRENSA 080/ 2020
22 febrüari 2020
Detenshon pa menasa, maltrato i violashon di lei di arma.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 22 di febrüari 2020, alrededor di 00.36.’or Sentral di Polis a risibí
informashon ku na un snek riba Weg naar Welgelegen tin un kaso di maltrato i
menasa ku arma di kandela.
E unidat polisial ku a yega na e sitio a kuminsá ku un investigashon i a resultá ku un
hòmber tabatin diskushon ku doño di e snek. E hòmber aki a menasá i maltratá e
propietario di e snek ku un arma di kandela i tambe kibra porta di e snek.
Alrededor di 00.45’or polis a detené na e sitio e hòmber R.R.N.H., nasé na Kòrsou di
25 aña di edat, relashoná ku e kaso ariba menshoná. Durante di su detenshon polis a
hañé ku mariwana i a konfiská esaki. Tambe polis a tuma nota di unda e sospechoso
a bai skondé e arma di kandela i polis a haña e arma di kandela i a konfiská esaki.
A presentá e sospechoso dilanti un Fiskal Ouksiliar ku a ordená su enkarselamentu
pendiente di mas investigashon.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: