Charla grátis riba “ROW: MALESA DI NANISHI KU TA BASHA SANGER” djasabra 29 di febrüari 2020 na Sentro di Bario Souax   

Charla grátis riba “ROW: MALESA DI NANISHI KU TA BASHA SANGER” djasabra 29 di febrüari 2020 na Sentro di Bario Souax                              

Fundashon Pro Souax i Sentro di Bario Souax ta invitá un i tur pa asistí djasabra 29 di febrüari próksimo na un interesante charla riba e tópiko :
RENDU OSLER WEBER (ROW) : MALESA DI NANISHI KU TA BASHA SANGER.
E charla ta organisá pa dr. Wong Loi Sing, dòkter di pulmon i dr. Lo-A-Njoe, dòkter di mucha spesialisá den kurason i lo tuma lugá na Sentro di bario Souax.
Durante e charla e spesialistanan aki lo splika kiko ta e enfermedat heriditario ROW, kua ta e sintomanan, posibel komplikashonnan i tratamentu di e enfermedat aki. Nan lo ampliá tambe riba diferente aspekto di un investigashon pa screen mucha na Boneiru i Kòrsou pa e malesa di ROW. Tambe lo tin testimonio di mayor di un pashènt ku tin ROW.
Bo mes ta un pashènt ku tin e enfermedat di ROW ? Bo tin un yu òf familiar ku ta pashènt?
Anto bo no por pèrdè e charla interesante aki.                                                                                                                                                              E charla ta tuma lugá na Sentro di Bario Souax i lo ta di 10or di mainta pa 12or di mèrdia. Entrada ta grátis i durante e charla lo tin amplio oportunidat pa hasi pregunta.     

 

                           Charla riba tópiko di salú públiko

              Tópiko        : RENDU OSLER WEBER (ROW) : MALESA DI NANISHI KU TA BASHA SANGER.

              Oradónan  : dr. Wong Loi Sing, dòkter di pulmon
                                  dr. Lo-A-Njoe, dòkter di mucha spesialisá den kurason 

              Dia             : Djasabra 29 di febrüari 2020

              Ora             : di 10or di mainta pa 12or 

              Lugá           : Sentro di bario Souax

              Entrada      : GRÁTIS

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: