Detenshon relashoná ku atrako.

KOMUNIKADO DI PRENSA
086 / 2020
26 febrüari 2020
Detenshon relashoná ku atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 25 di febrüari 2020, alrededor di 21.38 or, sentral a dirigi un patruya na un kas na
Peruweg pa un kaso di atrako ku a kaba di tuma lugá.
Na yegada di e patruya na e sitio, e dama habitante a deklará na polis ku el a keda
sorprendé pa un hòmber ku kara tapá ku dos (2) machete den su man. Bou di menasa e
hòmber aki a kue e dama su tas i saka un evelope ku sèn, dos (2) telefòn selular i su yabi di
outo. E sospechoso a bandoná e sitio ku e outo di e dama.
Durante di un búskeda den e área e agentenan a señala e vehíkulo di e víktima. Mesora a
logra di para esaki. Alrededor di 22.45 or polis a detené e sospechoso e hòmber R.G.S.I.
nasé na Kòrsou di 22 aña di edat, komo sospechoso den e kaso ariba menshoná.
Tambe polis a konfiská e vehíkulo.
A presentá e sospechoso dilanti di un Fiskal Ouksiliar, ku a ordená su enkarselamentu
pendiente di mas investigashon.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: