Dianan 17, 18 i 19 di aprel 2020  MCC KU DI DOS SHOW DI OUTO MUSTANG DEN SAMBIL

Dianan 17, 18 i 19 di aprel 2020 

 

MCC KU DI DOS SHOW DI OUTO MUSTANG DEN SAMBIL

 

WILLEMSTAD —  Direktiva di Mustang Club Curaçao ( MCC) ya ta preparando pa e di dos show di outo Mustang den Sambil dianan 17, 18 i  19 di aprel awor. Aña pasa MCC den koperashon ku Presige Motors i tambe Sambil a organisá tres dia eksitoso di show di vários outo Mustang di Kòrsou.

E aña aki tur kos ta mustra ku e di dos show lo bira aun mas grandi, na momentu ku  lo tin vehíkulonan otro ku lo keda eksponé. Kontrali na aña pasa, e biaha aki, lo por hasi uso di Sambil kompletu, kaminda lo por pone mas vehíkulo.

Na e momentunan aki MCC ta aserkando doñonan di Mustang ku kier forma parti di e tremendo show aki. Nan por tuma kontakto ku Sra. Tamara  Muzo na 689-0867, kaminda ta haña tur informashon relashoná ku e di dos eksposishon di Mustang 2020.

Tambe MCC na e momentunan aki ta registrando miembro nobo. Yamando na e mesun number di Sra. Muzo, bo ta haña tur informashon i tambe ta haña e formulario pa bira miembro.

Despues lo tin un reunion informativo relashoná ku e di dos eksposishon di outonan Mustang ku lo tuma lugá dianan 17, 18 i 19 di aprel awor.

Atentamente

 

Direktiva di MCC

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: