Minister Mc William a bishitá Fundashon Marshe
Minister Mc William a bishitá Fundashon Marshe
Geplaatst op 04 March 2020 dor di Ministerio Desaroyo Ekonómiko
WILLEMSTAD- Minister di Desaroyo Ekonómiko, sra Giselle Mc William resientemente a hasi un bishita di trabou serka Fundashon Marshe. Na nòmber di Gobièrnu di Kòrsou i bou di supervishon di Ministerio di Desaroyo Ekonómiko (MEO), Fundashon Marshe ta karga e tarea di manehá i atministrá tur edifisio i aktividatnan di marshe den nos sentro di siudat.


No muchu tempu pasá e edifisio di Plasa Bieu a keda kompletamente renobá i awor MEO huntu ku Fundashon Marshe ta hasiendo preparashonnan pa asina implementá e plan di organisashon di edifisio i áreanan di marshe den sentro di siudat (Inrichtingsplan Marktgebouwen en –gebieden Binnenstad). E plan aki ya a keda akordá pa Konseho di Minister i ta inkluí proyektonan pa renobá entre otro nos Marshe Rondó i duna esaki un konsepto nobo i moderno.
Despues di a risibí tur informashon, minister a hasi tambe un rekorido tantu den Marshe Rondó komo tambe den Plasa Bieu.

