Ambiente unico na MANA riba Dia di Himno y Bandera Exposicion creativo, kidscorner, dushi cuminda crioyo y …
Ambiente unico na MANA riba Dia di Himno y Bandera
Exposicion creativo, kidscorner, dushi cuminda crioyo y …
Museo Arqueologico Nacional Aruba (MANA) lo ta habri pa comunidad dia 18 di maart entre 10’or di mainta pa 2’or di atardi. MANA ta sumamente honra di por ta anfitrion di un exposicion di pintura riba canvas y obra di man di Club Kibrahacha riba nos dia nacional y asina promove e balor grandi cu nos grandinan tin pa nos pais.
Como atraccion special Club Kibrahacha lo tin presentacion di 6 caha di orgel. Pa nos muchanan Club Kibrahacha ta ofrece un ‘kids corner’ y lo bende algun cos dushi tipico. Chichi Snack lo ta presente cu cuminda crioyo.
E exposicion permanente y e exposicion temporario ‘’Caribbean Ties’’ den MANA lo ta habri. Fundacion 1403 tambe lo ta presente pa bende e publicacion cientifico “The Archaeology of Aruba; The Pictographs and Petroglyphs of Aruba”.
Tur organisacion envolvi ta invita un y tur pa disfruta y celebra nos Dia Nacional di Himno y Bandera na MANA. Entrada ta gratis. MANA ta situa na Schelpstraat 42, patras di Kong Hing Supermarket den Havenstraat. Keda pendiente pa mas informacion.
