Pronóstiko di tempu pa Kòrsou i bisindario bálido te djasabra mainta 06:00 o.l., 07 di mart 2020.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l., 07 di mart 2020.
Kompilá: djabièrnè 06 di mart 2020, 05:00 o.l. (09:00 UTC).

Tempu: Por lo general parsialmente nublá i generalmente seku. Visibilidat lo keda un poko redusí.

Temperatura máksimo lo alkansá 31ºC i temperatura mínimo 25ºC.
Solo ta sali 06:48 i ta baha 18:46 o.l.

Bientu: Direkshon por lo general ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general: No ta antisipá muchu kambio den e kondishon di tempu aktual durante di próksimo 24 ora. Un fluho di airu relativamente seku na e nivelnan mas abou di atmósfera ta stroba desaroyo di nubianan signifikante. Pa e motibu aki un wer generalmente seku lo sigui prevalesé. Mas aleu, stòf fini prosedente di Sahara lo redusí e visibilidat un poko durante di e próksimo dianan.

Kondishon di laman: Moderá ku altura di olanan entre 1 i 2 meter (3 pa 7 pia). E olanan di mas haltu lo ta riba laman pegá ku kosta na nort.

Fenómeno spesial: Ningun.

Perspektiva te djadumingu mainta:  Parsialmente nublá i por lo general seku.

Meteorólogo: Rombley.