Parlamentario Yaël Plet ke sa di Gobièrnu si tin e posibilidat pa un periodo temporal duna e pueblo un eksonerashon pa ku pago di impuesto i primanan sosial.

Parlamentario Yaël Plet ke sa di Gobièrnu si tin e posibilidat pa un periodo temporal duna e pueblo un eksonerashon pa ku pago di impuesto i primanan sosial.

 

Mirando ku Minister di Ekonomia sra Mc William a logra pa Bankonan pa un periode di 3 luna intrudusí un moratorium riba finansanan personal i komersial. Mas alue Minister Mc William a logra huntu ku Aqualectra pa un periodo konekta awa di esnan ku aktualmente no tin awa i tambe pa no korta koriente ni sera awa di esnan ku tin debe. 

 

Manera nos tur ta konsiente e situashon rondó di Corona Vírùs COVID-19 a krea un situashon di hopi preokupante pa rònt mundu. Mirando sigur e efekto i kantidat di hende ku e vírùs tin riba salubridat públiko aktualmente. Relashoná ku e situashon aki Gobièrnu di Kòrsou a tuma diferente medida di prevenshon. E medidanan aki nos tur ta konsiente ki ta e efektonan sosial ekonómiko ku e tin pa nos pais.Pa ku gobièrnu su maneho finansiero, tambe e tin konsekuensianan kual nos apesar di tur kos mester atendé ku e retonan aki tambe. 

 

Basa riba nos Rijkswet Financieel Toezicht artíkulo 25 por apliká riba situashon di emergensia.

Pa por haña mas klaridat riba e punto aki Parlamentario sr Yael Plet a manda un karta pa Gobièrnu ku e siguiente pregunta i petishon:

 

  1. Gobièrnu a prepará kaba pa apliká artíkulo 25 di Rijkswet Financieel Toezicht
  2. Kiko ta e plan pa Gobièrnu atendé ku trahadónan ku posiblemente lo por pèrdè trabou dor di e situashon di COVID-19?
  3. Gobièrnu por duna un periodo di grasia pa pago di impuesto i primanan sosial pa un temporada i eventualmente areglonan di pago?
  4. Kiko ta gobièrnu di Kòrsou su maneho ta pa atendé ku esnan mas debil den komunidat, klase trahado den sektornan ku tin mas impakto p.e. Turismo mirando ku a sera nos fronteranan?
  5. Ku Gobièrnu ta bai reforsa kontrol riba higiene, labor, i prijsnan di komestibel?

 

Nos meta i pensamentu ta pa mitigá pa mas tantu posibel e efektonan ku e desishonnan ku Gobièrnu a aplika tin riba nos komunidat. Nos ta kuminsá hasi supliká na nos komunidat pa no usa e situashon ku nos ta aden pa abusu di esun debil den nos komunidat. Laga nos tin komprenshon pa e situashon pero tambe ta solidario pa ku otro.

 

E impakto di e pandemia mester trese konbibensia den un forma diferente ku otro ( social distancing, trahamentu na kas, mas servisio remote i domesilio) pero no mag kambia nos forma di sobrebibensia

 

Pa Frakshon di MAN nos komo pueblo mester uni nos mes den e situashon i keda hasi petishon na ser supremo pa protehá nos tur i pa rekuperashon di tur siudadanonan ku rònt mundu ta pasando den momentonan difísil.

This site uses Akismet to reduce spam. Learn how your comment data is processed.

error: Content is protected !!
%d bloggers like this: