“Rondo Dimi” Kantante: Gian’

“Rondo Dimi”

Kantante: Gian’

 

Na kasi final di anja 2019 Gian van Eiker, nos Rei di Tumba Hubenil 2018 a lansa su prome kansion y videoclip den e genero Urban titulá “keda akinan”   Y awor den siman tras di lomba Gian a lansa su di 2 kansion titulá “Rondo Dimi” Gian un hoben di 15 anja ku su propio inspirashon nan, ta konta awe di unda e inspirashon di e kansion “Rondo Dimi” a Sali.

“Rondo Dimi” a bini, door di tur e kosnan menos bon ku a y ta pasando rondo di komunidat y mundo kompletu. Den 2019  e rapper Nipsey Hussle a fayese. Un rapper ku prome tabata afilia ku gang i e bida di kaya, ku net a kumisa kambia su bida pa bon i inspira hobenan pa no bai den e mal kaminda, a wordu asesina dilanti su establesimentu di Paña. Anja 2020 a habri ku basta notisia malu. January tabatin papia ku guerra mundial tabata pa bai kumisa. Nos a perde un leyenda di basketball, Kobe Bryant miho konosi komo “Black Mamba”, den un aksidente kruel.
Otro rapper ku tambe a wordu asesina den su kas na los angeles ta  “POP SMOKE”. Loke a molestiami hopi di e morto di POP SMOKE ta ku el a sobrebibí den e bida di ghetto i bin fayese den e bida di luho. No papia mes di tur loke a y ta pasando ku nos hoben nan na nos dushi isla Korsou. Tur esaki nan a dunami inspirashon pa e kantika “Rondo “Dimi ,paso ta kosnan ku ta pasa rondo dimi y nos tur y ku di un manera of otro ta afekta nos.

Y komo hoben ku tambe ta bin awo, mi ke pidi sobra hoben nan pa kuida boso mes. No laga e influensha di kosnan negativo y material kita boso for di bosnan metanan pa un futuro brijante. Gosa di boso bida positivamente, nada dimas.  

Y korda, hopi importante tende di boso mayornan !

 

Hopi love

Gian’