SZW ta splika areglo di emergensia

E konsekuensianan ekonómiko di e vírùs di corona ta profundo na Hulanda Karibense. Unidat di Asuntunan Sosial i di Labor di RCN (Sociale Zaken en Werkgelegenheid, SZW) ta trahando riba un areglo pa yuda dunadónan di trabou pa tene empleadonan den servisio. E areglo ta parti di un pakete mas amplio di medida ku lo introdusí, pa duna un apoyo ekonómiko. Ounke ku e areglo ainda no ta definitivo, Eric Brakke, hefe di Unidat SZW di RCN, a duna un splikashon tokante e areglo durante un konferensia di prensa.

LINK VIDEO

Ta spera di por kuminsá tuma aplikashon durante e siman benidero. Pa informashon aktual, por tira un bista riba www.rijksdienstcn.com/covid-19.