Polis ta alertá pa falsifikashon di plachi di number.

KOMUNIKADO DI PRENSA 135 / 2020
1 aprel 2020
Polis ta alertá pa falsifikashon di plachi di number.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Polis a tuma nota di un video riba retnan sosial, ku ta ofrese públiko plachinan di
number pa hür, di manera ku por despistá polis i move riba kaya, siendo ku e
vehíkulo ku su plachi di number original no por kore riba kaya riba e dia en kestion.
Polis ta investigando e kaso aki.
Nos ke alertá tur siudadano, pa no kai den e trampa aki i hasi boso mes kulpabel na
echonan kastigabel manera falsifikashon, kumpramentu of hürmentu di artíkulonan
hortá ets.
Esaki por trese hopi implikashon inesesario pa bo.
Laga nos sigui reglanan i instrukshonnan di gobièrnu, ku ta na benefisio di henter
komunidat.