Parlamentario Plet: CFT ta aktua kontra prinsipio di solidaridat ankra di Statuut di Reino

Parlamentario Plet: CFT ta aktua kontra prinsipio di solidaridat ankra di Statuut di Reino

 

Nos a tuma nota di e konseho di CFT riba ayudo di likides na Gobièrnu di Kòrsou enkonekshon ku e situashon di Corona Vírùs ku asotá mundu kompleto.  E meta di e pakete di Gobièrno ta pa duna sosten na personanan ku a keda afektá pa motibu di e situashon di Corona i likides di Gobièrnu ku na e momentonan aki ta bou di preshon enorme. Basa riba artíkulo 36 di Statuut ku ta ensera ku paisnan den Reino tin ku duna otro sosten den situashon di krísis nos por konkluí bon kla ku e konseho di e 2 miembronan di CFt no ta basa riba e punto di bista solidaridat pa ku otro den reino. E konseho i tambe e hustifikashon di CFT i kondishon no ta kontribuí na yuda e situashon ku Kòrsou su siudadanonan ta pasando aden aktualmente. Teniendo kuenta ku Kòrsou den pasado a duna ayudo na Hulanda ku ta un pais mucha mas grandi ku nos i ku un poblashon hopi mas grandi kumpliendo ku e  akuerdo den Statuut di Reino

 

Mirando e karta di miembronan di Aruba, Kòrsou i tambe St Maarten kual ta afirmá esaki mirando ku den CFT mes no a apliká e sistema di hoor en wederhoor promé ku a emití e konseho pa Konseho di Minister di Reino. Nos posishon ta kla ku na e momento aki no por tuma un desishon basa riba un konseho di kual 2 miembro so di CFT sin ta mira e gravedat di nos situashon i e ayudo agudo ku nos mester pa duna un na nos komunidat.

 

Na e momentonan aki Gobièrnu nan di kada pais mester atendé basa riba e responsabilidat di Gobernashon i prinsipio di Statuut kual ta solidaridat kual semper Kòrsou a demostrá.