Detenshon i proses verbal relashona ku medidanan Covid-19.

KOMUNIKADO DI PRENSA 160 / 2020
19 aprel 2020
Detenshon i proses verbal relashona ku medidanan Covid-19.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Polis ta kontinuá ku kontrolnan relashoná ku medidanan di Covid-19.
Na diferente sitio a tene ‘roadblock’ i a atendé ku personanan ku no por a proba of duna un
deklarashon konvinsente di nan presensia riba kaya.
Entre djasabra 18 di aprel 2020 pa 3’or di atardi i djadumingu 19 di aprel 2020 pa 7’or di
mainta, polis a repartí 20 prosès verbal i a hasi detenshon di dos persona ku no a koperá ku
polis durante die kontrolnan aki i a duna nòmber falsu.
Un yamada ta bai atrobe na siudadanonan pa permanesé na kas si bo no tin algu urgente di
hasi riba kaya.
Na momentu ku bo wòrdu pará dor di outoridat, ta spera e koperashon nesesario i semper
e supliká pa sigui instrukshon di polis, den kuadro di mantenshon di òrdu públiko i seguridat
i libertat di tráfiko.