Pronóstiko di tempu pa Kòrsou i bisindario bálido te djaweps mainta 6:00 o.l., 23 di aprel 2020.
Pronóstiko
Pronóstiko di tempu pa Kòrsou i bisindario bálido te djaweps mainta 6:00 o.l., 23 di aprel 2020.
Kompilá: djárason 22 di aprel 2020, 05:00 o.l. (09:00 UTC).
Tempu: Tantu awe komo mayan shelu lo ta parsialmente te tiki nublá ku wer seku.
Temperatura máksimo lo alkansá 32ºC i temperatura mínimo 26ºC.
Solo ta sali 06:20 i ta baha 18:49 o.l.
Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Durante di dia, ráfaga de bes en kuando fuerte; forsa 6 (40 te 50 km/ora, 22 te 27 nudo).
Situashon general: Durante di awe i djaweps no ta antisipá nubianan signifikante kapas pa produsí áwaseru riba nos área. Tin indikashon ku despues riba djabièrnè tin chèns mas grandi pa awa kai. Apart di esaki, prinsipalmente den dia e fluho di bientu lo sigui supla periódikamente un poko fuerte.
Kondishon di laman: Moderá ku altura di olanan entre 1 i 2 meter (3 pa 6 pia).
Fenómeno spesial: Awe mèrdia 12:34 P.M, un bes mas solo lo ta posishoná règt riba Kòrsou (e asina yamá zénit). Esaki ta sosodé tur aña na dos okashon; durante aprel i ougùstùs. Esaki ta na momento ku e solo, mirá for di tera, ta move di sùit pa nort.
E momento ei nos isla lo eksperimentá e rayonan mas fuerte di solo. E fenómeno aki ta sosodé un bes mas riba dia 20 i 21 di ougùstùs, ora ku e solo mirá for di tera ta move bèk di nort pa sùit.
Perspektiva te djabièrnè mainta: Shelu lo bira un poko mas nublá ku posibilidat pa awa kai lokalmente.
Meteorólogo: Coffie