KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

MINISTER SUZY CAMELIA-RÖMER TA PONE ATENSHON NA E PROBLEMATIKA DI SARGASSUM NA NOS PLAYANAN. 

MINISTER SUZY CAMELIA-RÖMER TA PONE ATENSHON NA E PROBLEMATIKA DI SARGASSUM NA NOS PLAYANAN. 

Willemstad – Awe dia 22 di aprel ta dia mundial di Mama Tera, ta un dia ku mundu hinter ta duna atenshon speshal na problemátika di naturalesa, medio ambiente i kambio di klima. Nos ta mira ku tin vários fenómeno ta asotá nos mundu pa algun luna kaba manera e pandemia aktual i awor Caribe i tambe Korsou tin molèster di sargassum den su playanan. A toka personal di Ministerio di Salú,  Medio Ambiente i Naturalesa nèt awe pa bishitá 2 bahia kaminda  tin mas molèster aktualmente di sargassum. Esaki no ta un fenómeno nobo,  ta algu ku tin algun aña  ta keda bin bek. Segun sr. Murray hefe di e sektor agrario i peska ta bisa ku e último añanan sigur 2 biaha pa aña Kὸrsou ta keda asotá pa sargassum. 

Apesar di su rekursonan limitá, Ministerio SMN ta hasiendo su máksimo esfuerso pa limpia e áreanan ku ta mas vulnerabel. E trabounan a konsentrá speshalmente riba bahia Asencion i Sint Joris baai. Pero durante e trabounan por a tuma nota ku mas i mas Sargassum ta yegando Kòrsou. Esaki ta hasi mas  difísil pa atendé ku e situashon pasobra nos mester realisá ku:

1 no por evitá ku Sargassum ta yega Kòrsou,

2 hende no por permanesé pa largu tempu den Sargassum sin protekshon,

3 kostonan pa kombatí kantidat grandi di Sargassum ta sumamente haltu,

4 hasta mester a wanta un ratu ku e trabou pasobra e la bira inútil. 

 

Otro siman lo tene un destaho públiko kaminda lo tin kontratistanan lo por hasi un oferta pa haña e trabou di limpiesa. Despues ku e destaho tuma lugá, trabounan lo start i dura aproksimadamente 3 siman.
E meta ta pa saka mas tantu di e sargassum ku ta den awa i buta esaki seka riba tera. Una bes  seku por usé entre otro pa uzo den agrikultura kaminda por uz’é komo mulch.

Ta nesesario pa limpia e playanan pa e turtuganan ku ta brui por ehèmpel na Ascencion por sigui keda na bida paso e “kuki” di sargassum ta bira asina diki ku nan no por hala rosea mas bou di awa. Tambe nos ta mira ku e holó desagradabel ku e sarrgassum aki ta manda dor ku e parti abou ta putri, ta karga bai hopi leu te na barionan kasi yega rotònde di sta.Rosa. Habitantenan a hasi keho i X- tim, kual ta keda enkabesá pa sr. Clifford Delanooy (inpsekshon di medio ambiente) a bai kontrolá, djadumingu ta di unda presis e holó malu ta bini i a konstatá ku ta di St. Joris baai. 

 

Leave a Reply

This site uses Akismet to reduce spam. Learn how your comment data is processed.