Kandela ta destruí interior di ‘Dry Cleaning”.
KOMUNIKADO DI PRENSA 173 / 2020
24 aprel 2020
Kandela ta destruí interior di ‘Dry Cleaning”.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Alrededor di 01.23’or riba djabièrnè 24 di aprel 2020, Sentral di Polis a risibí informashon di
un kandela grandi den un “dry cleaning” riba F.D. Rooseveltweg.
Mesora a dirigí un unidat di Rio Canario i tambe brantwer na e sitio.
Na nan yegada, bomberonan a dominá e kandela pero no por a evitá ku ya e interior di e
‘dry cleaning” a kima kompletamente.
E kaso ta den investigashon.
