Dikon den e situashon di COVID-19, gobiernu no ta hasi uso di e “Wettelijke Reserve” di mas ku 170 mion florin

Dikon den e situashon di COVID-19, gobiernu no ta hasi uso di e “Wettelijke Reserve” di mas ku 170 mion florin

 

Na: Presidente di Parlamento

Señor W. Millerson

Wilhelminaplein # 4

PRESENTE

 

Tópiko: Dikon den e situashon di COVID-19, gobiernu no ta hasi uso di e “Wettelijke Reserve” di mas ku 170 mion florin, ku konforme lei SVB mester reserva i ku por wòrdu utilisá ora tin un Epidemia i/of Pandemia 

 

Kòrsou, 24 di aprel 2020

 

Señor Presidente,

 

Frakshon di Movementu Futuro Kòrsou (MFK), Kòrsou di Nos Tur (KdNT), Pueblo Soberano (PS) i Movementu Progresivo (MP) ta aserka bo persona ku lo siguiente;

 

Konforme lei SVB tin e deber di reserva un montante tur aña, kual mester ta disponibel na momento ku tin situashonnan ku por trese e diferente fondonan ku SVB ta manehá den problema.

 

Tur aña SVB mester hinka den e fondo aki entre 18 pa 20% di e gastunan di e diferente fondonan. Na e momentu aki konforme deklarashon di SVB e fondo di reserva mester ta dispone di alrededor di 170 mion florin.

 

Frakshon nan den oposishon kier sa, ta dikon gobiernu no a trese a menshoná e fondo aki di e “Wettelijke Reserve”,  komo un di e fuentenan finansiero ku por yuda komo alivio pa e aspektonan finansiero ku COVID-19 a krea.

 

Frakshon nan ta pidi pa invitá na e reunion aki direktor di SVB señor Martis i Minister di finansa señor Kenneth Gijsbertha pa ta presente na e reunion aki. 

 

Na nòmber di frakshon nan,

 

__________         _______________     ______________   ____________

 Gimar Pisas       Miro A. Dos Santos         Jaime Cordoba     Marilyn Moses