Fecha di elekshon ta 19 di mart 2021

Fecha di elekshon ta 19 di mart 2021

Geplaatst op 06 May 2020 dor di Ministerio Maneho di Gobernashon, Planifikashon i Servisio Públiko

Willemstad – Konseho di Minister, riba proposishon di presidente di Konseho Supremo Elektoral, a fiha 19 di mart 2021 komo fecha di elekshon. Fecha pa entrega di lista (‘kandidaatstelling’) lo ta 19 di yanüari 2021.

Elekshonnan pa Parlamento ta tuma lugá un biaha kada kuater (4) aña. Último elekshon tabata riba 28 di aprel 2017. E Parlamento aktual a sinta riba 11 di mei 2017. Komo ku e periodo di e Parlamento aktual ta kaba riba 11 mei 2021, mester tene e siguiente elekshon regular di tal forma ku e siguiente Parlamento por keda instalá riba 11 di mei 2021. Mester tin, konforme lei, por lo ménos 48 dia entre e dia di elekshon i e fecha di instalashon di Parlamento. Basá riba esaki a yega na e fecha di 19 di mart 2021. E fecha pa loke ta trata entrega di lista no a keda fihá ainda. Konseho Supremo Elektoral lo hasi un proposishon al respekto. E fecha lo kai mas o ménos den e di tres siman di yanüari 2021. 

Konseho di Minister a tuma e desishon aki den su reunion di 19 di febrüari último ya ku e ta konsiderá ku ta importante pa públiko en general, pero tambe partidonan polítiko ta konosí ku e fechanan aki na tempu. Ta igualmente importante pa Konseho Supremo Elektoral haña sufisiente tempu pa prepará e elekshon.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: