Guardian Group Fatum ta ‘compliant Ku prioridat riba salú di tur bishitante i personal

Guardian Group Fatum ta ‘compliant

Ku prioridat riba salú di tur bishitante i personal

Prevenshon ta kana paralelo ku medida, protokòl i konsientisashon bon pensá i prinsipalmente ku ta kumpli ku regla i lei. Despues di simannan skur di inseguridat pa redusí riesgo ku e vírus di korona lo a sigui plama awor ta tempu suavisá sierto medida manera  ‘lockdown’, ‘shelter at home’, plachi di dia i mas. Pero no por suavisá sin un kuadro kla pa loke ta trata eksigensia. “E seguridat di nos bishitantenan I nos personal ta na promé lugá,” segun Francis Gijsbertha, CCO i alabes presidente di e Tim di Krísis di Guardian Group Fatum.

Guardian Group Fatum ta atendé e situashon hopi serio i asta a invitá un kontroladó pa wak si tur kos ta kuadra. “Nos ke ta ‘compliant’. Esei ta un obligashon moral ku nos tin ku nos hendenan, tantu é bishitante, komo miembronan di personal,”segun Guiselle Coco, COO na Guardian Group Fatum. Bo ta ‘compliant’ ora un otro instansia ta kontrolá bo. Dia 11 di Mei, señor Ronny Cornelis, Hefe Interino di Inspekshon na Ministerio pa Desaroyo Ekonómiko (MEO), a hasi un bishita di trabou riba invitashon di e tim di krísis Guardian Group Fatum. Meta di e bishita tabata pa huntu pasa den tur ahuste ku a hasi a base di instrukshonnan di Gobièrnu.

A tuma na kuenta efektividat di e ahustenan manera ku a apliká nan. A tene kuenta ku espasio di dos meter entre e áreanan kaminda mester sinta traha, limpiesa profundo i frekuente, uso di  ‘sanitizers’ tur kaminda, pantayanan di plèksiglas , stekernanriba flur. I sigur no na último lugá, a apliká informashon kla na kliente pa medio di bòrchi -i señalnan, pero tambe a ta duna atenshon na komunikashon interno pa personal. Tur esakinan ta medidanan ku a ser apliká. Señor Cornelis di MEO tabata hopi satisfecho ku loke el a eksperensiá i a konfirmá ku Guardian Group Fatum ta ‘compliant’!

Riba e foto ta mira di robes pa drechi: CCO di Guardian GroupFatum, sr. Francis Gijsbertha, Sr. Ronnie Cornelis di MEO i COO di Guardian Group fatum, sra. Guiselle Coco