Kaso di tiramentu ku morto.

KOMUNIKADO DI PRENSA 201 / 2020
14 mei 2020
Kaso di tiramentu ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 13 di mei 2020 alrededor di 20.44’or, Sentral di Polis a risibí informashon
ku den kurá di un kas den Kaya Belenos un kaso di tiramentu a tuma lugá.
Mesora a dirigí algun unidat na e sitio i na yegada di e promé unidat, el a topa ku un
hòmber drumi abou ku diferente herida di bala na e parti ariba di su kurpa.
Ambulans ku a presentá na e sitio no por a hasi nada mas pa e víktima.
Dòkter di polis a konstatá morto di e hòmber, Zadan Manuel Savala Lopez, nasé na
Venezuela 9 di desèmber 1995.
For di investigashon preliminar a sali na kla ku tres hòmber tur na pretu bistí a yega
na e kas, lastra e viktíma na un distansia den e kurá pa despues los tirunan dirigí riba
dje. Despues di nan akto e sospechosonan a bai na pia for di e sitio.
Riba òrdu di fiskal di Ministerio Públiko a konfiská e kurpa, pa mas investigashon.