Studiantenan di Merka i Canada ku a regresá Kòrsou ta bon konektá ku Digicel

Studiantenan di Merka i Canada ku a regresá Kòrsou ta bon konektá ku Digicel

WILLEMSTAD:  Resientemente Kòrsou a risibí 48 studiante ku a regresá for di Merka i Canada. E hóbennan a risibí un ‘goodybag’ di Digicel ku na mes momentu ta un ‘starter package’ i ta inkluí un SIM ku minüt di yamada, data i SMS. Ademas, nan a risibí un plan di data spesialmente pa nan. Di akuerdo ku Lina Pereira Marketing Manager di Digicel, e gesto na e studiantenan ta netamente pa nan keda konektá ku skol, famia, amigunan na Merka, Canada òf aki na Kòrsou. “Nos a diseñá un plan di data i yamada spesialmente pa e studiantenan di manera ku nan por keda konektá na tur momentu apesar ku nan mester a drenta karentena obligatorio.”

Konektividat ta krusial na e momentunan aki, i Digicel na su turno tei pa fasilitá e mihó konekshon, na e mihó tarifa. Un ehèmpel di esaki ta e BiP Messenger. Komo introdukshon di e BiP Messenger, tur kliente di Digicel por manda mensahe di teksto ku òf sin data riba nan telefòn te ku dia 30 di Mei próksimo. Esaki ta nifiká ku klientenan di Digicel por ‘BiP’ otro sin ku enrealidat nan mester tin data riba telefòn mes. Pa e studiante ku ta usuario di Digicel esaki ta algu úniko!