KOMUNIKADO DI KUERPO POLISIAL KÒRSOU Kaso di atrako ku detenshon.

KOMUNIKADO DI PRENSA 220 / 2020
1 yüni 2020
Kaso di atrako ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 31 di mei 2020 alrededor di 18.23’or, Sentral di Polis a risibí
notifikashon di un kaso di atrako ku a tuma lugá na Playa di Cas Abou.
Un unidat di polis ku a yega na e sitio a komprondé ku dos hòmber lo mester a
atraká algun persona na e playa i bai ku nan outo i demas pertenensia.
Mesora a kuminsá ku un investigashon i den área di Bullenbaai, a bin topa e outo
hortá bandoná.
A konfiská esaki pa mas investigashon.
Riba Kaminda Mgr. Amado Römer, polis ku tabata en buska di e sospechosonan, a
logra para un vehíkulo den kual tabatin tres tipo ku tabata kuadra ku e diskripshon di
e atrakadónan.
A detené e trio, J.D.L.I. di 21 aña di edat, M.A.L. di 22 aña di edat i R.G.M. di 22 aña
di edat, tur nase na Kòrsou i presentá esakinan dilanti di un fiskal ouksiliar ku a
ordená nan enkarselamentu pendiente di mas investigashon.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: