Detenido Harvey Reinita ku a risibí kondená di 20 aña pa asesinato di mama di su 2 yunan, defuntu Eisden, a fayesé durante oranan di djabièrnè mainta

Detenido Harvey Reinita ku a risibí kondená di 20 aña pa asesinato di mama di su 2 yunan, defuntu Eisden, a fayesé durante oranan di djabièrnè mainta den Foba na Sentro di Detenshon i Korekshon. Motibu di su morto no ta konosí. Tin vershon ku el a fayesé a konsekuensia di un overdosis di remedi mientras otro vershon ta ku el a muri a konsekuensia di un atake di kurason. Segun Reinita a deklará durante tratamentu di su kaso den Korte di Hustisia, e ku e defuntu tabata pleitá ku otro. Riba e anochi di 19 di òktober 2019, mama di su yunan a aserk’é i despues di a papia ku otro nan lo a rekonsiliá. Reinita a presentá na kas di e defuntu dia 20 di óktober 2019 kaminda ku a surgi un diskushon na momentu ku el a topa mama di su yunan ku un otro persona. Reinita a marka su inisialnan a forsa brutu den pechu di mama di su yunan. Día 22 di òktober 2019, dos dia despues, Reinita a bolbe presentá na kas di defuntu Eisden i despues di un diskushon a saka un arma di kandela pa kita bida di mama di su yunan i a hasi esaki dilanti di nan yunan.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: