Diskulpa Públiko Kòrsòu 15 di yüni 2020 Ref.: E. Martines

Komunikado ku nos risibi.

Diskulpa Públiko Kòrsòu
15 di yüni 2020
Ref.: E. Martines
Djabièrnè último mi tabata responsabel pa uso di violensia kontra di un dama. Nunka mi a pensa di por ta kapas di komportashon asina. Mi no por ni kuminsá na ekspresá e profundidat di mi arependimentu pa mi akshonan ku, indudablemente, a kondusí na súfrimentu di e viktima. No tin ekskusa ni provokashon ku por a hustifiká mi akshonan. Aunke mi sa ku ningun kantidát di diskulpa den e situashon aki lo ta sufisiente, mi ke hasi maske ta un intento.
Mi ke pidi un diskulpa sinsero general na pueblo di Kòrsou, i mas importante, mi diskulpa sinsero en partikular na e dama viktima. Palabra nunka lo no ta sufisiente. Lo mi karga e arependimentu pa e dolor ku mi a kausa i e desapunto imenso den mi mes ku mi pa semper. Komo hende, komo tata di yu muhe, mi lo no por pordoná mi mes pa e daño físiko i emoshonal ku mi a okashoná. Mi ta tuma mi responsabilidat por kompleto i di ningún manera ta trata di buska hústifikashon pa mi akshonan. Tampoko mi ta desea di kore pa e konsekuensianan di mi akshonan. Pa e motibu aki mi a disidi di entrega mi mes den man di hustisia i lo mi koperá ku e investigashon kontra di mi persona.
Mi famianan no tin kulpa den mi malkomportashon ni den ningún manera por para résponsabel pa esakinan. Mi ke bisa tambe ku mi persona di ningún manera ta asosiá na, ni nunka mi a forma parti di, ningún órgano, di ningún partido polítiko. Mi ruman su partisipashon den politika no tin nada di haber ku nos relashon fraternal. Michelangelo Martines ta mi ruman, nada mas, nada menos. Komo ruman, Michelangelo Martines, tabata un di e promé personanan ku a konsehá mi pa mi no solamente tuma mi responsabilidat ku palabra, sino tuma e pasonan nesesario pa responsabilisá mi mes ku akshon i bai entrega mi mes.
Mi ta komprondé ku mi akshonan ta kondenabel, ami ta kondenabel. Un biaha mas, mi diskulpa, mi diskulpa, mi diskulpa.
Di kurason, despensa. Elmer Martines

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: