Reunion General FDOK bon bishitá  Federashonnan a enfatisá nesesidat fondo pa deporte mediante gasolin

 

Reunion General FDOK bon bishitá 

Federashonnan a enfatisá nesesidat fondo pa deporte mediante gasolin

 

Djamars 30 di yüni Federashon Deporte i Olímpiko Kòrsou (FDOK) a tene su promé reunion general statutario pa aña 2020. E reunion a tuma lugá na kantor di FDOK den e sala di Salon di Fama  situá na Roodeweg 92A Otrobanda. 

 

Eksaktamente 6’or na e orario stipulá presidente Francisca a abri reunion i konstatá ku tin mayoria di e miembronan presente. A tuma un momentu di silensio dediká na fayesimentu di sr. William Millerson miembro di Salon di Fama di FDOK i eks presidente di CSF.       

 

E reunion a kana den un esfera ameno kaminda a trata e punto konforme statuto . A aprobá e notulo di reunion general anual di dia 27 novèmber 2019,a trata i aprobá  relato anual  2019, relato finansiero 2019 i tambe relato di diferente komishonnan nombrá  dor di reunion general o direktiva.

 

Notabel ta e interes grandi di miembronan 22 di 29 ku a partisipá na tempu i aktivamente. Konforme statuto fin di aña lo tene e siguiente reunion general kaminda lo trata e planifikashon di aktividatnan pa 2021 i e presupuesto korespondiente. 

 

Aspekto di fondo pa deporte a keda deliberá ampliamente i sala a supliká direktiva pa urgi gobièrnu pa realisá e nesesidat pa fondo pa deporte mediante gasolin mas lihé posibel.

 

Athunto algun potrèt  di e reunion konserní.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: