KOMUNIKADO KUERPO POLISIAL KÒRSOU Morto den tráfiko.

KOMUNIKADO DI PRENSA 257 / 2020
5 yüli 2020
Morto den tráfiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 4 di yüli 2020 alrededor di 19.55’or, Sentral di Polis a risibí informashon ku tabatin
un aksidente di tráfiko riba Schottegatweg-Noord na altura di un banko komersial.
Mesora a dirigí unidatnan na e sitio i na nan yegada, nan a bin topa un hòmber drumi abou
kantu di kaminda ku diferente leshon rònt di su kurpa.
E víktima ya na e momentu ei no tabata duna señal di bida.
Personal di ambulans ku entre tantu tambe a yega na e sitio, no por a hasi nada mas pa e
víktima.
For di investigashon ku polis a realisá na e sitio, a sali na kla ku e hòmber aki a bai krusa
kaya na altura di e banko, nèt na momentu ku un vehíkulo tabata bini for di Rio Canario den
direkshon di Biesheuvel.
Debí na e impakto fuerte, e peaton a fayesé na e sitio.
Dòkter di polis mas lat a konstatá morto di e hòmber Edwin Der Meer nase na Kòrsou dia 27
di novèmber 1961.
Personal di Departamento di Tráfiko ta kontinuá ku e investigashon.