E beyesa di bo imaginashon 

E beyesa di bo imaginashon 

Sweet Talk Ministries ta presentá un mainta ameno, ku un tremendo charla entitulá : “E beyesa di bo imaginashon” Imaginashon ta un regalo di Dios I e ta laga nos mira posibilidatnan, potensialnan, ideanan nobo, e ta permití nos mira mas leu ku nos sirkunstansia i drenta den un futuro briante. Pero sinembargo un imaginashon no sano por ta peligroso i destruktivo. Nos lo papia riba e proseso di restourashon di nos imaginashon. I asina haña akseso na logra kita loke tabata opstákulo pa hopi tempu. Ta pesei mi kier a invitá bo, abo dama, pa djasabra dia promé di ougùstùs 2020 for di 9:00 di mainta pa 12 di merdia, den un ambiente bunita bo keda inspirá, ekipá I impaktá. Entrada kompletamente gratis, e lugá ta patras di SDK na Brievengat na e di dos edifisio di FFK .  E charla ta na enkargo di Sra. Solange Huybregts. Un muhé  ku no tin mester di introdukshon, bou su nòmber tin diferente seminario i charla a keda presentá pa e hende muhé, hopi a keda yená ku e amor di Dios dus mas rason pa bo …….. No pèrd’é!!!. Pa mas informashon bo por yamá na 789-6300 o 671-6010.