Detenshon pa menasa, sekuestro, maltrato i violashon di lei di opio.

 

KOMUNIKADO DI PRENSA 287 / 2020
26 yüli 2020
Detenshon pa menasa, sekuestro, maltrato i violashon di lei di opio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 26 di yüli 2020 alrededor di 16.35’or, un unidat atento di mantenshon di òrdu
ku tabata patruyando riba Sto. Domingoweg, a tuma nota di un vehíkulo ku tabata kore den
direkshon kontrali, ku dos hòmber den dje i ku tabata move di forma sospechoso.
Mesora e unidat aki a lora bai tras di e vehíkulo i tabata te riba Gouv. Van Lansberghweg ku
el a logra para e outo aki.
Durante kontrol di e okupantenan, a bin tuma nota ku un di nan ta e hòmber sospechoso
N.H. di 37 aña di edat nase na Kòrsou, kende ta wòrdu buská pa entre otro menasa,
sekuestro, maltrato i violashon di lei di opio.
E otro okupante, R.A.N. di 28 aña di edat nase na Kòrsou, no tabatin un identifikashon
bálido huntu kune i huntu ku N.H., a keda detené na e sitio.
A presentá e duo dilanti di un fiskal ouksiliar ku a ordená enkarselamentu di N.H., mientras
R.A.N. por a bai kas despues di interogashon.
Investigashon den e kaso aki ta kontinuá.

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: