Detenshon pa maltrato.

KOMUNIKADO DI PRENSA 306 / 2020
9 ougùstùs 2020
Detenshon pa maltrato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 9 di ougùstùs 2020 alrededor di 08.03’or, un unidat polisial ku tabata
patruyando riba Cubaweg, a bin topa un hòmber na sanger i a para pa esaki.
E hòmber aki a deklará na polis ku un ratu promé e tabatin diskushon ku un otro
hòmber i e último aki lo a maltrat’é ku un piedra na altura di su kabes.
En bèrdat e unidat a tuma nota di un herida parti patras di e víktima su kabes ku
tabata sangra hopi.
Ku ambulans a transportá e víktima pa sala di emergensia di C.M.C. pa mas
tratamentu médiko.
Na e sitio, polis a detené e hòmber sospechoso R.O.L. di 39 aña di edat nase na
Kòrsou.
A present’é dilanti di un fiskal ouksiliar ku a ordená su enkarselamentu pendiente di
mas investigashon.