Adaptashon di salario di miembronan di Parlamento sin konosementu previo

Willemstad, 19 di ougùstùs 2020

 

Na:  Presidente di Parlamento,

        Señora A. Pauletta

        Wilhelminaplein 4

        PRESENTE

 

Tópiko: Adaptashon di salario di miembronan di Parlamento sin konosementu previo

 

Señora Presidente,

 

Frakshon di MFK a tuma nota den medionan di komunikashon i riba retnan sosial ku gabinete Rhuggenaath a tuma un desishon den konseho di Minister pa oumentá salario di Minister i Parlamentarionan.

 

Tambe frakshon di MFK a tuma nota ku bo persona, komo presidente di Parlamento tabata na altura di e desishon aki i riba 4 di ougùstùs último bo a manda un karta riba e tópiko aki pa promé Minister sin a informá sobra miembronan di Parlamento.

 

Frakshon di MFK ta lamentá ku gabinete Rhuggenaath a tuma e desishon aki di oumentá salario di Minister i Parlamentarionan sin pone nos na altura i ku bo persona tambe tabata na altura i no a informá nos frakshon. Nos ta lamentá ku bo a skohe pa skonde e informashon aki pa miembronan di Parlamento.

 

Pa medio di esaki frakshon di MFK ta informá bo, pa hasi tur loke ta na bo alkanse pa drei bek e desishon aki, esaki sigur pa miembronan di frakshon di MFK.

 

Den tempu di ousteridat, Gobiernu i Parlamento di Kòrsou mester tuma desishonnan ku ta na benefisio di pueblo di Kòrsou i ta insolito ku bosnan gobiernu a skohe pa benefisiá interes partidario i pa saka benefisio personal, subiendo salarionan di gobernantenan.

 

Atentamente,

 

____________________

Gilmar S. Pisas

Lider di frakshon di MFK