Entrada hudisial ku 3 detenshon i konfiskashon di droga

 

KOMUNIKADO DI PRENSA 363 / 2020
15 sèptèmber 2020
Entrada hudisial ku 3 detenshon i konfiskashon di droga
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 15 di sèptèmber 2020, alrededor di 16.00 or, personal di e Divishon di Krímen
Organisá konhuntamente ku Warda Kosta, Duana i e Tim di Aresto a tene un entrada
hudisial na un adrès na Punta Cardonweg.
E entrada hudisial aki ta en konekshon ku un investigashon ku ta andando, tokante
violashon di e Lei di Droga i e Lei di Arma di Kandela.
Den kuadro di investigashon, na e adrès menshoná, polis a haña i konfiská un kantidat
grandi di kokaina. Na e kas a detené tres sospechoso, dos hende hòmber; O.A.D.C. di 57
aña di edat, R.D.C. di 20 aña di edat, ámbos nasé na Kòrsou i un dama C.Y.D.C. di 47 aña
di edat, nasé na Venezuela.
A presenta e tres sospechosonan aki dilanti un fikskal ouksiliar, ku a ordená nan
enkarselamentu pendiente di mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: