Entrada hudisial ku detenshon i konfiskashon.

 

KOMUNIKADO DI PRENSA 364 / 2020
16 sèptèmber 2020
Entrada hudisial ku detenshon i konfiskashon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di atrako ku a tuma lugá 4 di
sèptèmber 2020 den área di Piscadera Baai polis a detené un hòmber.
Djárason 16 di sèptèmber 2020 den oranan di atardi, e tim di atrako konhuntamente ku tim
di aresto a tene entrada hudisial na Grote Berg. Na e adres aki a detené e hòmber
sospechoso G.H.A.R. nasé na Kòrsou di 24 aña di edat, relashoná ku e atrako ariba
menshoná. Durante di investigashon na adres polis a haña i konfiská algun artikulo ku ta di
importansia pe investigashon.
Seguidamente polis a bai na un kas na Cubaguaweg i durante investigashon polis a haña i
konfiská algu di droga.
A presentá e sospechoso dilanti un fiskal ouksiliar ku a ordená su enkarselametu pendiente
di mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: