Dos sambuyadó ta pèrdè nan bida

Durante di labornan industrial ku mester a tuma lugá bou di awa, dos sambuyadó a pèrdè nan bida den oranan lat di atardi na DOK, na momentu ku nan a haña nan konfrontá ku problema. Ambos sambuyadó tabata laborá pa Damen Shiprepairs. Un sambuyadó aparentemente lo mester a keda pegá. Un terser sambuyadó a baha na awa i a logra saka un sambuyadó for di awa. Na kaminda pa CMC e sambuyadó aki tambe a pèrdè su bida.Nos ta keda pendiente pa e rapòrt ofisial. Forsa na famianan di e defuntunan.