Bo fotonan, músika faborito, dokumento i kontaktonan seif i fásil aksesibel: Digicel ta introdusí ‘Billo’

 

Bo fotonan, músika faborito, dokumento i kontaktonan seif i fásil aksesibel:

Digicel ta introdusí ‘Billo’

 

WILLEMSTAD:  “Na Digicel nos ta riba e trayekto pa bira un partner den e estilo di bida digital di nos klientenan. Esaki ta nifiká, ku nos ke ta huntu ku nan durante tur momentu di dia brindando nan un plataforma digital ku ta fit nan estilo di bida na tur momentu.  Aktualmente nos ta ofresiendo nos klientenan músika i deporte via D’Music i SportsMax; nos a duna nan e transparensia i kontròl di nan bida digital ku MyDigicelApp: i awe nos ta orguyoso di por ofresé nan un poko mas trankilidat mental, kumbinensia i fleksibilidat ku introdukshon di ‘Billo’”, esaki di akuerdo ku Rozanne Portillo, Head of Commercial, pa Digicel ABC

 

Kiko ta ‘Billo’?

Imaginábo un ‘cloud’ personal na kual bo tin akseso konstantemente pa warda potrèt, video, dokumento i informashon di bo kontaktonan- tur esaki seif i sigur den un bèkùp organisá i ku akseso fásil. No tin kuestion di manehá i skohe App koutelosamente, kita bo fotonan faborito djis pa motibu ku bo ‘storage’ ta abou. Usuarionan di Digicel lo risibí 5 GB di ‘storage’ GRÁTIS di manera ku nan por warda tur kos riba ‘Billo’- esei ta nifiká aproksimadamente 5,000 foto, 500 video, 2,500 kansion, òf 50,000 dokumento- tur sigur i seif wardá den ‘cloud’ – ku opshon pa kumpra mas espasio si ta deseá esaki. 

 

‘Billo’ ta den ‘nubia’ (cloud), esaki ta nifiká ku si bo telefon pèrdè, usuarionan por aksesá nan fotonan, músika, dokumento òf kontaktonan fásilmente. Unabes ku aktivá e ‘auto-sync’ pa uso únikamente riba WiFi, usuarionan lo no konsumí for di nan data ètòl. ‘Billo’ ta yudabo fantástikamente si bo ta deseá di ‘share’ riba social media. Ku e opshon ‘photopick’ e App mes ta analisá i rekomendábo e mihó fotonan pa social media!

Rozanne Portillo, ta sigui splika “Nos ke duna usuarionan semper MAS, i esei mes ta hasi nos masha kontentu di por introdusí ‘Billo’. Hasiendo esaki, nos ta trese un poko mas trankilidat mental, ya ku e kliente no mester preokupá mas ku si su fotonan, músika, dokumento òf kontaktonan ta seif. Ademas, ‘Billo’ ta kumbiniente i fleksibel, esaki lo ‘fit’ sigur den estilo di bida di tur usuario ku ta buska e mihó eksperensia digital!”

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: