Sosten laboral ta kontinuá

Sosten laboral ta kontinuá

Geplaatst op 09 October 2020 dor di Ministerio Desaroyo Sosial, Labor i Bienestar

Willemstad – Ministerio di Desaroyo Sosial, Labor i Bienestar ta anunsiá ku e sosten duná na esnan ku a pèrdè trabou promé i despues di 15 mart 2020 pa motibu di e pandemia di Covid 19, ta kontinuá por lo pronto. Esaki ta nifiká ku tur e personanan ku na e momentunan aki ainda ta desempleá i a risibí un sosten laboral den forma efektivo o un karchi sosial pa komestibel, lo sigui risibí e sosten por lo pronto.

Ku esaki Ministerio di Desaroyo Sosial, Labor i Bienestar ta urgi tur persona ku a risibí sosten i a kuminsá traha mientras tantu, pa indiká esaki den e mail i whatsapp ku ta bai sali medio òktober 2020. Si Ministerio SOAW deskubrí ku tin persona ta traha i risibí sosten pareu, e persona mester paga bèk e sènnan ku ela kobra di mas.

Pa personanan ku a pèrdè trabou pa motibu di Covid 19 den e último lunanan, Ministerio SOAW ta partisipá ku e formulario riba e wèpsait http://www.fondodisosten.org pa personanan ku a pèrdè trabou despues di 15 di mart lo habri bèk dia 19 di òktober i lo sera dia 30 di òktober 2020. Na novèmber lo anunsiá ki dia e formulario lo habri atrobe.

Pa tur pregunta o yudansa adishonal por yama o whatsapp Helpdesk SOAW na e siguiente numbernan:
Whatsapp 510 7629, 724-5300 opshon 1 òf 724-5309

Athuntu e skema di pago i rekargo di karchi sosial pa komestibel.

FONDO DI SOSTEN PAGO SOSTEN LABORAL 2020
Pago luna di sèptèmber Djaluna 12 di òktober 2020
Pago luna di òktober Djamars 3 di novèmber 2020

 

FONDO DI SOSTEN REKARGO KARCHI SOSIAL PA KOMESTIBEL 2020
Luna di òktober Djabièrnè 9 di òktober 2020

 

RISIBIDÓ DI ÒNDERSTANT REKARGO KARCHI SOSIAL PA KOMESTIBEL 2020
Luna di sèptèmber Djabièrnè 25 di sèptèmber 2020
Luna di òktober Djabièrnè 9 di òktober 2020
Luna di òktober Djabièrnè 23 di òktober 2020

 

 

Ministerio konserní 

Share this page to Telegram

This site uses Akismet to reduce spam. Learn how your comment data is processed.

%d bloggers like this: