E 4 EKIPONAN KU A KLASIFIKÁ PA LIGA MCB PROMÉ DIVISHON BUÈLTA DI 4 TA KONOSÍ I DJABIÈRNÈ 16 DI ÒKTOBER BUÈLTA DI 4 TA RANKA SALI!

E 4 EKIPONAN KU A KLASIFIKÁ PA LIGA MCB PROMÉ DIVISHON BUÈLTA DI 4 TA KONOSÍ I DJABIÈRNÈ 16 DI ÒKTOBER BUÈLTA DI 4 TA RANKA SALI!

 

 

Despues ku Liga MCB Promé Divishon su buèlta di 6 a tèrminá djabièrnè 9 di òktober último, e 4 ekiponan ku a klasifiká pa e buèlta di 4 ta konosí.

 

Esaki nan ta lo siguiente;

 

  1. Jong Holland
  2. Vesta
  3. Inter Willemstad
  4. Scherpenheuvel

 

 

Awor, e 4 ekiponan aki ta bai midi forsa pa wak kua ta klasifiká pa e gran final di Liga MCB Promé Divishon ku ta planiá pa tuma lugá djabièrnè 6 di novèmber próksimo.

Partidonan sumamente interesante, yená ku emoshon lo bai tin durante e próksimo dianan.

Paso niun di e 4 ekiponan aki no ke keda for di e gran final i pèrdè e chèns di titulá kampion di Liga MCB Promé Divishon 2020.

 

 

Tabla di posishon Liga MCB Promé Divishon Buèlta di 6:

WH WG WE WP Pt GF GK Saldo
1 JONG HOLLAND 5 5 0 0 15 15 6 9
2 SV VESTA 5 3 1 1 10 10 7 3
3 WILLEMSTAD 5 2 1 2 7 9 7 2
4 SCHERPENHEUVEL 5 2 1 2 7 8 8 0
5 C.S.D. BARBER 5 1 0 4 3 5 9 -4
6 UNDEBA 5 0 1 4 1 1 11 -10
 
  15 13 4 13 43 48 48 0

 

Skema Liga MCB Promé Divishon Buèlta di 4:

 

 

Fecha Dia Ora Tim di kas   Bishitante Stadion
16-10-20 Djabièrnè 19.30 Jong Holland vs Scherpenheuvel S.A.M.
17-10-20 Djasabra 19.30 Vesta vs Willemstad  
           
23-10-20 Djabièrnè 19.30 Jong Holland vs Vesta S.A.M.
24-10-20 Djasabra 19.30 Willemstad vs Scherpenheuvel  
           
28-10-20 Djárason 19.30 Willemstad vs Jong Holland S.A.M.
28-10-20 Djárason 19.30 Vesta vs Scherpenheuvel F.F.K.

 

 

Debí na e medidanan ya konosí, ku a keda introdusí pa Gobièrnu di Kòrsou e partidonan di Liga MCB Promé Divishon buèlta di 4 aki no por tuma lugá ku presensia di públiko. Pero si por sigui tur e partidonan aki via e página di Facebook; Vigilantekorsou.

 

Mas ku klaro FFK ta felistá e ekipo di Fc Sithoc ku a titulá kampion di Liga MCB Segundo Divishon i tambe e ekipo di New Song ku ta ekipo supkampion di Liga MCB Segundo Divishon. Ayera, 14 di òktober 2020, Fc Sithoc a sa di gana New Song ku skor di 3-0 ku golnan anotá pa David Hyder, Michel Florez Ulloque i Phaibian Da Costa Gomez. Asina nan a promové i lo forma parti di Liga MCB Promé Divishon den e próksimo temporada.

Copy of skema play offs 1e div 09102020 (1)

Pabien pa ámbos ekipo!

 

15 òktober 2020

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: