Restorant ta kima kompletu.

KOMUNIKADO DI PRENSA 414 / 2020
20 òktober 2020
Restorant ta kima kompletu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 20 di òktober 2020 alrededor di 16.14’or, Sentral di Polis a risibí diferente yamada
ku den un restorant situá den un sentro komersial na Jan Noorduynweg, tabatin un
kandela.
Na yegada di e unidat di Otrobanda, el a bin topa un restorant ku ta situá parti patras den e
sentro komersial, kompletamente na kandela.
Brantwer ku a yega rápidamente na e sitio a paga e kandela, pero no por a evitá ku interior
di e restorant aki a kima kompletamente.
For di investigashon preliminar a sali na kla, ku posiblemente e kandela a kuminsá den e
kushina di e restorant.
Tim forensiko i reshèrshi táktiko ta investigando kousa di e kandela mas leu.