Empleadonan di CBCS lo traha for di kas atrobe komo medida prekoushon di Covid-19

Empleadonan di CBCS lo traha for di kas atrobe komo medida prekoushon di Covid-19

Willemstad/Philipsburg – Relashoná ku e subida di e kasonan positivo di COVID-19 na Kòrsou,
Centrale Bank van Curaçao en Sint Maarten (CBCS) a disidí, komo medida di prekoushon, ku entrante
djárason 25 di novèmber empleadonan ku no tin mester di ta den banko pa ehersé nan funshon
mester traha for di kas pa e próksimo dos simannan. Tur reunion (interno i eksterno) lo tuma lugá di
forma virtual.
CBCS ya pa algun tempu ta aplikando trahamentu for di kas parsial relashoná ku e pandemia di
COVID-19 i ta sigurá ku e medida aki no ta komprometé e funshonnan krusial. Te ku asina leu no
tin ningún sospecho di kasonan di infekshon ku e vírùs di COVID-19 entre empleadonan di CBCS.
E departamento di Kaha na Kòrsou lo keda será por lo pronto. Esaki ta enserá ku lo no bende ni
interkambiá monedanan ni biyetenan. E tasa di kambio di moneda lo keda anunsiá diariamente riba
wèpsait di CBCS.
CBCS ta enfatisá ku solamente ku forsa uní por kombatí e brote di e vírùs di corona. CBCS ta konta
ku bo komprenshon i aporte.

Willemstad, 25 di novèmber 2020
CENTRALE BANK VAN CURACAO EN SINT MAARTEN

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: