Mensaha di fin di aña di MANA

Mensaha di fin di aña di MANA 

En conexion cu dianan di fiesta di Pasco y Aña nobo Museo Arqueologico Nacional Aruba (MANA) ta cera pa publico di dia 24 di December 2020 te dia 3 di januari 2021. Alavez MANA ta anuncia cu diabierna dia 11 di December MANA lo ta cera di 1.30 pa 4.30 di merdia pa un celebracion di Pasco di su personal. 

Museo Arqueologico ta mira bek riba un aña hopi diferente. 2020 A trece retonan inespera cu e manifestacion di Covid-19 riba nos isla. Eventonan planea no por a sigui y ora cu por a habri salanan di exposicion bek pa publico, mester a hasi esaki cu condicionnan no usual. Unda antes tabata e meta pa atrae un publico grandi, awo e reto ta pa acomoda gruponan di bishitante limita . MANA, mescos cu tur otro museo y instancianan cultural rond mundo, a experiencia un caida drastico den su cifranan di bishitantenan.  Asina mes MANA logra acomoda diferente bishita di gruponan di mucha y hoben brindando nan un experencia unico

E situacion di Covid-19 ta reta MANA pa bira mas visibel ‘online’ pa publico. A experimenta hunto cu ‘partners’ Fundacion Museo Arubano (FMA) y Global Moneyweek Aruba (GMW Aruba) pa trece programanan vacacional digital. Tambe a participa na e proyecto di Museumweek cu a hala hopi atenciona riba Facebook. MANA a sigui diferente webinar, cu e meta pa siña di otro museo y institucionan cultural, tocante maneranan pa yega na publico den e periodo dificil aki. Alaves MANA mes tabata un participante di e panel di e webinar di Museums Association of the Caribbean (MAC) pa asina intercambia idea y experiencianan cu otro muso y institucionan cultural nacional y internacional.

MANA ta sigui experimenta cu medionan digital y lo sigui informa y educa publico riba e herencia cultural di nos isla. 

Recientemente a cambia e nomber di e pagina di Facebook di Archeo Aruba pa Museo Arqueologico Nacional Aruba pa asina siguidonan/‘followers’ riba Facebook por haya e pagina di MANA mas facil.

MANA ta gradici tur esnan cu a sostene den 2020 y ta sigui conta cu mes apoyo den 2021.  Ekipo di MANA ta desea un y tur felis’ dianan di fiesta y sabiduria pa cuida nos salud. !

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: