Kaso di hinkamentu ku detenshon.

KOMUNIKADO DI PRENSA 038 / 2021
30 yanüari 2021
Kaso di hinkamentu ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra 30 yanüari 2021 alrededor di 05.37’or, Sentral di Polis a haña notifikashon di un
kaso di hinkamentu ku a tuma lugá na un kas riba Gosieweg.
For di un investigashon ku polis a hasi na e sitio a resultá ku un hòmber a yega kas i haña ku
su bisiña ku ta biba riba mesun tereno tabata toka radio duru. E hòmber a bai atendé ku e
señora pa baha e radio i e señora ku tabatin ku kuchu den su poder a zuai esaki den
direkshon di e hòmber i kòrté na su dede. E hòmber a kue un machete i a maltratá e señora
ku e parti plat di e machete na su barika.
Na e sitio polis a detené ámbos sospechoso kua ta e hòmber T.A.R.M. nasé na Kòrsou di 27
aña di e edat i e señora L.M.R. nasé na Repúblika Dominicana di 43 aña di edat.
A presentá ámbos sospechoso dilanti un fiskal ouksiliar ku a ordená nan enkarselamentu
pendiente di mas investigashon