Medidanan di Covid-19 ta keda na vigor durante di pre elekshon

KOMUNIKADO DI PRENSA 035 / 2021
29 yanüari 2021
Medidanan di Covid-19 ta keda na vigor durante di pre elekshon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Polis ta anunsiá ku durante di e dianan 30 i 31 di yanüari 2021 di pre elekshon pa elekshon
pa Parlamento di Kòrsou, medidanan den kuadro di Covid-19 ta keda na vigor.
Lo no permití tokamentu den serkania di lokalidatnan di sostenementu di lista ni tampoko
aglomerashon.
Ta prohibí òptògt i formamentu di karavana ku vehíkulo riba kaminda públiko i lo aktua
determiná kontra di esnan ku di un òf otro forma ta stroba libertat di tráfiko òf ta pone
esaki den peliger.
Lo sigui kontrolá violashon di e orario di toke de keda i kaminda ta nesesario lo aktua di
forma represivo.
Pa buena marcha di e proseso demokrátiko aki, polis ta supliká tur siudadano pa tene nan
mes na e reglanan establesé i sigui òrdu duná dor di outoridat inmediatamente.