Plan di Emergensha pa drecha kamindanan ta progresá

 

Plan di Emergensha pa drecha kamindanan ta progresá

 

Willemstad – Willemstad – Ministerio di Tráfiko, Transporte i Planifikashon Urbano (VVRP)  huntu ku e kontratistanan CWM, MNO-Vervat i Aliansa ta kuminsá ku ehekushon di trabounan den kuadro di pone un kapa nobo den sierto kayanan, komo parti di e plan di emergensha pa ku nos kamindanan. Meta di plan di emergensha ta pa aliviá e estado no optimal di nos kayanan.  

 

Deterioro di nos kayanan, ku a bira visibel den forma di burakunan den kaya, ta un resultado di falta di sufisiente fondo e último añanan pa hasi invershon di profundidat den nos kayanan, pero tambe e kantidat di áwaseru eksesivo ku a kai. Hopi áwaseru ta afektá fundeshi di nos kaya i pone ku esaki na sierto kamindanan ta sak i bira un buraku den kaya. Apesar di e desafionan aki Minister Jesus-Leito a hasi tur posibel pa yega na fondo pa por ehekutá e plan di emergensia i asina remediá e situashon agudo di nos kamindanan.  Gobièrnu tei inverti Nafl. 900.000 pa realisá e Plan di Emergensha aki. Minister Jesus-Leito lo sigui traha pa yega na solushon pa e problema di fondo, ku di forma struktura por sigui hasi mantenshon di nos kamindanan.

 

Pa medio di e plan di emergensha ta:

  1. Aselerá e trabounan pa yena burakunan den kayanan, 
  2. Pone un kapa temporal nobo pa algun kaya kaminda yena buraku so no ta yuda mas, i
  3. Drecha algun kaminda di tera.

 

For di 14 yanüari último a sigui ku e trabounan pa yena e burakunan ku a surgi den nos kamindanan. A kuminsá atendé ku e burakunan riba kamindanan prinsipal pa despues bai den barionan kamindalo realisá trabou tambe na algun kaminda di tera.

 

Djaluna dia 1 di febrüari 2021 ta kuminsá ku trabounan na e kayanan  kaminda  djis yenamentu di buraku no ta yuda mas. E kamindanan unda trabou ta kuminsá djaluna 1 di febrüari i ta dura te dia 5 febrüari ta:  

  • Blomonteweg, 
  • Granaatapelweg, 
  • Monte Carmelo/Kaya Kazerne  
  • Bahamasweg/Haïtiweg.

 

Di 8 pa 19 febrüari 2021 e mas trabou lo traha riba: 

  • Kaya Jacob Posner (dilanti Building Depot) 
  • Kaminda Brievengat (na altura di Bonbini Minimarket)  
  • Kaya Macario Prudencia/Kaya Pachi Bakhuis. 

Na e sitionan aki lo kita e asfalt bieu,stabilisá e sitio i pone un kapa nobo di asfalt. 

 

Minister Jesus-Leito ta hasi un apelashon na tur outomobilista pa kore ku koutela i sigui bòrchinan di indikashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: