Entrante djarason awor ta sera e konekshon entre Hofweg i Kaya Dr. Noel

Entrante djarason awor ta sera e konekshon entre Hofweg i Kaya Dr. Noel

Geplaatst op 24 February 2021 dor di Ministerio Tráfiko, Transporte i Planifikashon Urbano

Willemstad – Servisio di Obra Públiko (OW) ta informá ku entrante djarason 24 di febrüari 2021 ta sera e kaminda temporal ku ta konektá Hofweg ku Kaya Dr. Noel. Outomobilistanan por hasi uso di Weg naar Bullenbaai pa drenta St. Michielsweg.

Temporada ku tabata hasi trabounan di mantenshon na Weg naar Bullenbaai, doño di e tereno enkuestion a pone esaki na disposishon di gobièrnu pa temporalmente outomobilistanan por a hasi uso di esaki. Na momentu ku trabounan a terminá, outomobilistanan a sigui hasi uso di e kaminda aki komo un sorto di ‘sluiproute’. Awor a yega e momento ku e doño tin nesesidat di su tereno, i a hasi petishon pa por disponé di esaki bèk.

Djarason 24 di febrüari, OW i e kontratista Sixstras lo sera e via aki pa hasi trabounan di restrukturashon na e tereno, pone den su estado original i entreg’é bek na e doño.

OW ta pidi diskulpa pa e indulgensia i ta hasi un apelashon na tur outomobilista pa tene kuenta ku e kambio aki i hasi uso di Weg naar Bullenbaai pa yega e destino deseá.