UNDEBA TA KLA PA ENFRENTÁ CENTRO DOMINGUITO DJADUMINGU AWÓ DEN SDK!

UNDEBA TA KLA PA ENFRENTÁ CENTRO DOMINGUITO DJADUMINGU AWÓ DEN SDK!

E orguyonan di Banda ‘Bou, UNDEBA, ta invitá Kòrsou kompletu i spesialmente tur e fanátikonan di Banda ‘Bou
pa bin apoyá nos durante nos promé enkuentro di Liga MCB Promé Divishon 2021!
Después ku Liga MCB Promé Divishon 2021 a inisiá djadumingu tras di lomba, wikènt binidero UNDEBA tin su
promé partido pa e aña aki. Djadumingu 14 di mart 2021 pa 6’or di atardi den Stadion Ergilio Hato, UNDEBA
lo topa Centro Dominguito.
Nos ta invitá Banda Bou kompletu, pa bin apoyá, animá i sostene nos ekipo durante nos promé enkuentro. Kòrda
ku ta 250 persona so por drenta stadion i ku tapaboka ta obligatorio.
Adulto ta paga fl. 6,- miéntras mucha di 6 te ku 12 aña ku 60+ ta paga fl. 2.50 so so.
UNDEBA ta konta ku bo!