Detenshon pa intento di asesinato.

KOMUNIKADO DI PRENSA 151 / 2021
21 aprel 2021
Detenshon pa intento di asesinato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku intento di asesinato ku a tuma lugá dia 8 di
aprel 2021 na Groot Sta. Martha, polis di Barber a hasi dos detenshon.
Djamars 20 di aprel 2021 alrededor di 11.10’or, polis di Barber a detené e hòmber
sospechoso E.E.G.I. nasé na Kòrsou di 19 aña di edat, relashoná ku kaso ariba menshoná.
Detenshon a tuma lugá na Warda di Polis Barber.
Djárason 21 di aprel 2021 alrededor di 12.35’or polis a detené un sospechoso mas den e
kaso di intento di asesinato ariba menshoná. Ta trata di e hòmber S.G.R. nasé na Kòrsou di
16 aña di edat. E detenshon aki tambe a tuma lugá na Warda di Polis Barber.
A presentá ámbos sospechoso dilanti un fiskal ouksiliar ku a ordená nan enkarselamentu
pendiente di mas investigashon.